رۆژی دووشەممەی ڕابردوو لیژنەی نەوت و غازی پەرلەمان عیراق،لە چوارچێوەی ڕەشنووسی یاسای نەوت و گازدا پێشنیازی دا بۆ دامەزراندنی سێ کۆمپانیا، لەنێویاندا کۆمپانیای نەوتی کوردستان.
گوتیشی: “حکومەتی سەرۆك وەزیران محەمەد شیاعی ئەلسودانی هەنگاوێکی بەرەو پێشەوە ناوە لە مەلەفی نەوت لەگەڵ کوردستان بە کاراکردنی لیژنەی باڵای تایبەتمەند لە دانوستاندن لەگەڵ حکومەتی هەرێم، کە جێگری سەرۆکی حکومەت / وەزیری پلاندانان سەرۆکایەتی دەکات، هەروەها بە ئەندامێتی هەریەکە لە وەزیری نەوت، بەڕێوەبەری کۆمپانیای سۆمۆ، سەرۆکی دەستەی دەروازە سنوورییەکان، لەگەڵ هەندێك ڕاوێژکار و پسپۆڕ. لیژنەیەکی بەهێز کارا دەکرێت، و لەلایەن لیژنەی نەوت و غازی پەرلەمانەوە بەدواداچوونی بۆ دەکرێت “، پەرلەمانتاری لیژنەکەی پەرلەمان عەلی شەداد ئەلفاریس بە ئاژانسی هەواڵی عێراقی – INA ڕاگەیاند.
ئەلفاریس ڕوونیشیکردەوە، “هیچ ڕێگەچارەیەك نییە بۆ حکومەتی هەرێم جگە لەوەی لەسەر مێزی لیژنەی باڵا دابنیشێت بۆ گەیشتن بە ڕەشنووسی یاسای نەوت و گاز، دوای بڕیارەکەی دادگای فیدراڵی سەبارەت بە نایاسایی بوونی یاسای نەوت و گاز لە کوردستان”. ، ئاماژە بەوە دەکات کە “یاساکە پەیوەندی نێوان حکومەتی فیدراڵی و پارێزگا و هەرێمە بەرهەمهێنەرەکان بۆ نەوت و گاز ڕێکدەخات.”
ئاماژەی بەوەشکرد، “یاساکە دەبێتە گرەنتی مافی پارێزگا بەرهەمهێنەرەکانی نەوت، بەتایبەت بەسرە “، ئاماژەی بەوەشکرد “ناتوانرێت لەماوەی ئەم خولەدا یاساکە دوابخرێت”.
هێمای بۆ ئەوەش کرد کە “هەندێک لەو پێشنیازانە کە دەخرێنە ناو ڕەشنووسی یاساکە، بریتییە لە دامەزراندنی کۆمپانیایەکی نەوتی کوردستان کە بنکەکەی لە هەرێم دەبێت و ڕاستەوخۆ پەیوەستە بە وەزارەتی نەوتی فیدراڵی”. لەگەڵ هەموو کارەکانی دەرهێنان و بەرهەمهێنانیدا”، ئاماژەی بەوەشکرد، “ڕەنگە کۆمپانیایەکی دیکە هەبێت کە بەشداربێت لە وەبەرهێنانی گاز، کۆمپانیایەکی دیکەش کە پەیوەندی بە وەبەرهێنانەوە هەبێت لە پاڵاوگەکانی حکومەتدا.”
سەرچاوە: ئاژانسى هه‌واڵى عێراقى
