ڕوونبین
نرخی فرۆشی نەوتی خاوی کەرکوک بۆ بازاڕی ئەوروپا بە ٦٠ سەنت لە سەروی خاوی برێنتەوە لەمانگی ئازاردا دەفرۆشرێت.
کۆمپانیای بەبازاڕکردنی نەوت (سۆمۆ) ڕەزامەندی وەزیری نەوتی وەرگرتووە بە بەرزکردنەوەی نرخی فرۆشتنی فەرمی نەوتی خاوی سوکی بەسرە.
سۆمۆ ڕایدەگەیەنێت نرخی خاوی سوکی بەسرە لە مانگی ئازاری داهاتوودا بە بڕی ٥ سەنت بەرزدەکاتەوە بۆ هەر بەرمیلێک بە بەراورد بە نرخی ئێستا تاوکو نرخ بگاتە ١٫١٥ دۆلار زیاتر لە تێکڕای نرخەکانی نەوتی خاوی عومان و دوبەی بۆ بازاڕی ئاسیا.
نرخی فرۆشتنی تێکڕای نەوتی خاوی بەسرە مامناوەند بۆ بازاڕی ئاسیا بۆ مانگی ئازار بەرزکرایەوە بە بڕی ٠٫١٠ دۆلار بۆ هەر بەرمیلێک تاوەکو بگونجێت لەگەڵ ڕەنگدانەوەی زیادبوونی خواست لەسەر ئەم جۆرە نەوتە .
نرخی فرۆشتنی فەرمی نەوتی سوکی بەسرە بۆ بازاڕەکانی باکور و باشووری ئەمریکا لە مانگی ئازاری داهاتوو بە بڕی ٠٫٢٥ دۆلار بۆ هەر بەرمیلێک بەرزدەکرێتەوە، لەسەر پێرستی “ئەرگوس” کە بۆ نەوتی مامناوەندی گۆگرد دانراوە، بۆ هەر بەرمیلێک لە مانگی پێشوو ٠٫٢٠ دۆلار زیاترە. نرخی فرۆشتنی خامی کەرکوک بۆ ئەمریکا بە ٠٫٠٥ دۆلار بۆ هەر بەرمیلێک زیاد کراوە بەمەش بڕی ٠٫٩٥ دۆلار زیاترە لە پێوەری ASCI.
نرخی فرۆشتنی فەرمی نەوتی خاوی سوکی بەسرە بۆ بازاڕی ئەوروپا لە مانگی ئازاردا بە بڕی ٠٫٩٠ دۆلار بۆ هەر بەرمیلێک بەرزکرایەوە، هاوکات خاوی کەرکوک بۆ هەمان مانگ بۆ هەر بەرمیلێک ٠٫٦٠ دۆلار لەسەروی نرخی نەوتی خاوی برێنت دیاری کراوە.
نەوتی خاوی هەرێمی کوردستان KBT جۆرەکەی چ لەڕووی چڕی API یان پێکهاتەی گۆگرد Sulphur تێیدا نزیکە لە نەوتی کەرکوکەوە بەڵام لەچەند ساڵی ڕابوردودا بەردەوام زیاتر لە ١١ دۆلار لە ژێر نرخی برێنتەوە فرۆشراوە.
